امثال باللهجة الفلسطينية

11-07-2008, 04:49 PM

إبعد عن الشر و غنيله

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

إبنه على كتفه و بيفتش عليه

إبنك على ما ربيتيه و جوزك على ما عودتيه

تاجرنا بالكفان بطلت الناس تموت

تسمع صوته و تقول نيالك يا أطرش

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

الرجال مش شكلة لتحطيه ع راسك

رجعت حليمة لعادتها القديمة

شافت الخنفسه بنتها ع الحيط قالت الها: يسلملي بياضك ع سواد الحيط

الشهر اللي ما إلكش معاش فيه ليش تعد أيامه

شو أحلى من العسل قال الخل ببلاش

شو دخّلك بيت عدوك ؟ قال حبيب قلبي جواته

ضربني و بكى و سبقني و إشتكى

طبني طبتك العافيه

الطمع ضر ما نفع

طنجرة و لقت غطاها

على بخت الحزينه سكرت المدينة

على عينك يا تاجر

عملوك مسحر خلص رمضان

قال الله يلعن اللي بيحكي على الناس قال له يلعن اللي بيخلي الناس تحكي عليه

قال شو صبرك ع المر قال اللي أمر منه

قالوا للحرامي إحلف قال قرب الفرج

اللي بيشوف مصيبة غيره بتهون عليه مصيبته

اللي بيعرف بيعرف و اللي ما بيعرف بيقول كف عدس

ما حدا بيقول عن زيته عكر

المال السايب بيعلم الناس السرقة

مثل البس كيف ما رميته بيجي واقف

مش كل الوجوه بتنقال لها مرحبا

مش كل مره تسلم الجره

مش كل من صف الصواني صار حلواني

مين شاف حبابه نسي صحابه

الشرود تلتين المراجل

يا طخه يا اكسر مخه

اللي ما بييجي معك تعال معه

احسب العاطلة قبل المليحة

امشي عدل توصل بدري

العدو عدو لو اطعميه حلاوة

لا تذم ولا تشكر الا بعد ستة أشهر

رز الفقير برغل

الطول طول النخلة والعقل عقل سخلة

سبع صنايع والبخت ضايع

النبي وصى على سابع جار

من عاشر القوم أربعين يوم صار منهم

الجمعه جامعه والدواعي فيها سامعة

يا روح ما بعدك روح

عند البطون بتغيب الذهون

استكبرها ولو كانت عجره

كولها نية قبل ما غيرك يوكلها مستوية

عندك عيش وعندي عيش وفراغة العين ليش ؟؟

الله يحيينا ويورينا

كل وقت واعطيه وقته

عشيني اليوم وموتني بكره

اللي من نصيبك بيصيبك

العز للرز والبرغل شنق حاله

خزين الصيف بينفع في الشتا

خبز وزيتون أحسن ما يكون

كول زيت وانطح الحيط

عمارة البيت خبز وزيت

كول فول والحق القفول

ان كان الخبز في البيت فرحت انا وغنيت

كول أول العنب وآخر التين

طول ما الكيس مليان تكتر الخلان

المغرفة عايرت الدست ، قال كلنا ولاد طبيخ

أيام عنبك وتينك تكتر محبينك، وأيام قشله ونشله ما حدا يعينك

سمره ونغشه، ولا بيضة ودفشة

إسأل مجرب ولا تسأل حكيم

ما في شدة إلاّ وراها فرج

العاقل وديه ولا توصيه

جوزت بنتي لارتاح من بلاها أجتني وأربعة من وراها

اللي ما بيشقى ما بيلقى

من أمّنك لا تخونه ولو كنت خاين

مثل القرعة بتتباهى بشعر بنت أختها

الفلاح يبذر حبه وبيتكل على ربه

حلم الجوعان عيش

جوعة على جوعة تخلي القلب لوعة

اللي بسعدها زمانها بتجيب بناتها قبل صبيانها

إللي إِلُه غايب بيظل قلبه ذايب

اللي يربط برقبتو حبل بيلاقي ألف مين يشدو

اللي من إيده الله يزيده

اللي بيته من قزاز ما يرمي الناس حجارة

التقى المتعوس على خايب الرجا

اللي أمه خبازه ما بيجوع

البّس البوصة تصير عروسه

الرجال محاضر مش مناظر

اللي يحب الورد يتحمل شوكه

الولد ولد ولو صار قاضي بلد

اللي بدق الباب بسمع الجواب

اللي يحضر السوق بتسوق

من عاشر القوم أربعين يوم صار منهم

ايش دخلك بيت عدوك، قال حبيبي فيه

هم البنات للممات

اللي ما يطول قطف العنب، بقول حامض

اللي بتطلع لفوق رقبته بتنكسر

قبل ما تدور على مرة دوّر لابنك على خال

العز للرز والبرغل شنق حاله

الصغار زينه الدار

حيِّل النسوان غلبت حيِّل الغيلان

خذ الأصيلة ونام على الحصيرة

حط راسك بين الروس و قول يا قطاع الروس

11-07-2008, 08:37 PM

أحمد

ميرسي لألك على الأمثال الرووعة

مشكور على الجهد الرائع

بارك الله فيك

كل التحايا لك

11-08-2008, 03:32 PM

إن كبر إبنك خاويه

هادا بسمعه من بابا

الحيران

مشكور ع الامثال الحلوة !

ودي

11-08-2008, 08:08 PM

إبعد عن الشر و غنيله

هادا بسمعه من ماما والله دايما هههههههههههههههههههههههههههههه

القلب الحيران

تسلم هالايادي ع الامثال الفلسطينية

ناطرين الاجمل

تحياتي

11-08-2008, 09:34 PM

أسير

وجودك الأروع

الله لا يحرمنا منك أخي الغالي

دمت بكل ود أخي

إحترامي

11-08-2008, 09:37 PM

فراشه الربيع

تسلمي علي الرد الجميل

أكيد مثل هادا مشهور

إحترامي

11-08-2008, 09:38 PM

صغيره علي الحب

الله يعطيكي ألف عافية

بروضو هذا مثل كتير مشهور

كل التقدير ليكي

إحترامي

01-25-2009, 07:59 PM

أحـَ‘ـمـَ‘ـد

ميرسي الك خيو

ع

الامثال الحلوة

تقبل مروري

01-25-2009, 08:25 PM

اللي من إيده الله يزيده

شكرا احمد ع الامتال الحلوة كلهم حلوين و عجبوني كتير

تحياتي

01-29-2009, 01:18 PM

دلع الشام

تسلمي خيتووو علي الرد الجميل

نورتي صفحتي خيتوو

الله يديمك

إحترامي

دردشة آحلى غرام
DigiChat requires a Java Compatible web browser to run.
دخول المراقبين	الزخارف

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم
	أصحـآب القلــــوب البيضــآء بقلم : Я!mάs έl7άŷέt

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
امثال محرمه وللاسف بنستخدمها كتير ...	nana	ღ♥ღ روحانيات إســلاميةღ♥ღ	2	03-24-2009 08:34 AM
* أقوال مفيدة تريح البال *	دلع الشام	ღ♥ღ منتدى الحوار العام ღ♥ღ	16	11-01-2008 03:53 PM
صور روعة للمدن الفلسطينية للي ما بيعرفها	قلب مغرد	ღ♥ღ آحلى غرام لسياحة والسفرღ♥ღ	8	10-22-2008 03:18 PM
امثال عن المرأه	ابن الشام	ღ♥ღ منتدى الحوار العام ღ♥ღ	10	09-15-2008 09:47 PM
امثال محششين	جريح الزمان	ღ♥ღ النكت والفرفشه ღ♥ღ	2	12-29-2007 10:03 PM

امثال باللهجة الفلسطينية

- - ღ♥ღ معلومات عن فلسطين الحبيبة ღ♥ღ

للمزيد من مواضيعي

الذين يشاهدون محتوى الموضوع الآن : 1 ( الأعضاء 0 والزوار 1)